Асноўныя задачы і накірункі дзейнасці аддзела Аддзел краязнаўства – структурнае падраздзяленне Гомельскага абласнога цэнтра турызму і краязнаўства дзяцей і моладзі. Ажыццяўляе дзяржаўную палітыку ў галіне адукацыі і выхавання навучэнскай моладзі сродкамі краязнаўства. Стварае спрыяльныя ўмовы для развіцця творчых здольнасцяў і схільнасцяў дзяцей у дадатковай адукацыі, духоўнага і грамадзянскага выхавання, арганізацыі вольнага часу.
Асноўнымі накірункамі дзейнасці аддзела з’яўляюцца: - развіццё краязнаўчай дзейнасці, павышэнне яго ролі ў духоўным і патрыятычным выхаванні, фарміраванні культуры і светапогляду навучэнскай моладзі; - арганізацыя дзейнасці гурткоў і клубаў краязнаўчай, грамадзянска-патрыятычнай і экскурсійнай накіраванасці, вызначэнне адпаведнасці зместу вучэбных праграм і навучання ў гуртках; - рэалізацыя канцэпцыі і навучальна-выхаваўчых праграм па развіцці творчых здольнасцей дзяцей і моладзі, распрацаваных Міністэрствам адукацыі Рэспублікі Беларусь і органамі дзяржаўнага кіравання; - аказанне арганізацыйнай і метадычнай дапамогі ўстановам адукацыі па выкарыстанні краязнаўства ў навучальна-выхаваўчым працэсе, удзел у падрыхтоўцы метадычнай літаратуры, зборнікаў нарматыўных дакументаў у дапамогу работнікам навучальна-выхаваўчых устаноў; - аказанне метадычнай дапамогі ўстановам пазашкольнага выхавання і навучання, навучальным установам, педагогам-краязнаўцам, кіраўнікам музеяў устаноў адукацыі, арганізатарам краязнаўчых гурткоў і клубаў у павышэнні іх прафесійнага і метадычнага ўзроўню з улікам сучасных педагагічных тэхналогій і патрабаванняў; - каардынацыя дзейнасці музеяў устаноў адукацыі, пашырэння іх колькасці і ўплывовасці на арганізацыю духоўнага і патрыятычнага выхавання дзяцей і моладзі, культурна-асветніцкай работы; - правядзенне рэспубліканскіх краязнаўчых, грамадзянска-патрыятычных мерапрыемстваў і экскурсій з навучэнцамі: злетаў юных краязнаўцаў, навукова-практычных канферэнцый, семінараў, алімпіяд, конкурсаў, профільных летнікаў, метадычнае забеспячэнне іх канкрэтнымі выхаваўчымі праграмамі; - супрацоўніцтва з дзяржаўнымі навуковымі ўстановамі, грамадскімі, маладзёжнымі аб’яднаннямі і іншымі суполкамі ў галіне педагагічных даследаванняў, метадычнага забеспячэння выхаваўчай дзейнасці; - удзел у распрацоўцы навучальна-выхаваўчых праграм, навуковых педагагічных даследаванняў у галіне выхавання, іх укараненне ў практыку работы навучальна-выхаваўчых устаноў.
Асноўнымі формамі метадычнай і вучэбна-выхаваўчай дзейнасці з’яўляюцца: - арганізацыя і правядзенне для педагагічных работнікаў і навучэнцаў злётаў, канферэнцый, конкурсаў, семінараў, курсаў і інш.; - вывучэнне, абагульненне і прапаганда перадавога вопыту краязнаўчай, грамадзянска-патрыятычнай і экскурсійнай работы з дзецьмі і моладдзю; - кантроль і метадычнае забеспячэнне дзейнасці музеяў устаноў адукацыі; - кантроль і метадычнае забеспячэнне правядзення рэспубліканскіх акцый: Тыдзень турызму і краязнаўства для дзяцей і моладзі, "Жыву ў Беларусі і тым ганаруся!”. - арганізацыя краязнаўчай, грамадзянска-патрыятычнай, экскурсійнай, экспедыцыйнай і даследчай дзейнасці і аздараўленне навучэнцаў у профільных летніках.